Begi hutsez

:

Hilaren 1ean, hil honetan berriz ere, Ilgora oso fina Artizarrarekin konjuntzioan izango da hego-mendebaldeko horizontearen gainean.
Hilaren 2an, Eta Aquilae izar aldakorraren distirarik handiena. Zefeida motakoa da, eta 3,5etik 4,4ra aldatzen da 7,18 egunean behin. Hilaren 9an, 16an, 23an eta 30ean izango dira gainerako maximoak.
Hilaren 3an, Ilgora Jupiterrekin konjuntzioan izango da.
Hilaren 6an, Delta Cephei izar aldakorraren distira maximoa; magnitudea 3,5etik 4,4ra aldatzen zaio 5,36 egunean behin. Hilaren 12an, 17an, 22an eta 28an izango dira beste maximoak.
Hilaren 7an, Cignuseko Khi izar aldakorraren distirarik handiena. 4,2ra hurbilduko da, haren minimoa 14 izanik ere. 407 eguneko aldia du.
Hilaren 27an, egunsentiaren aurretik, argi-poluziorik ez dagoen tokietan, argi zodiakala ikus daiteke Virgo konstelazioan zehar eta Saturnotik gertu.
Hilaren 30ean, Artizarra eta Jupiter oso gertu ikus daitezke, hego-mendebaldeko horizontearen gainean. Abenduaren 1ean, posizio berean, Ilargiak Artizarra ezkutatuko du; Jupiter izango da lekuko, 2 gradura baino ez baita izango.

Teleskopioa edo prismatikoak erabiliz:

Hilaren 13an, Ilargiak Pleiadeak ezkutatuko ditu. Tresna bat behar dugu, hurbileko izarrak ikustea galarazten baitigu Ilbetearen argitasunak.